جيسيكا عن مشهد التسعينات في كامل العدد: الناس بتوقفني في الشارع تتخانق معايا بسببه.. خاص

كشفت الفنانة الشابة جيسيكا، كواليس مشهد "أنا مش مصدقة الطريقة اللي بتفكر بيها.. هو إحنا في التسعينات" وقدمته خلال حلقات مسلسل كامل العدد الذي عرض في النصف الأول من رمضان، وقد تصدرت التريند بسببه، وأثارت حالة كبيرة من الجدل بين جبل التسعينيات.

وقالت جيسيكا، خلال لقائها مع "مصر الآن"، : أولا بشكر المخرج خالد الحلفاوي لأنه هو السبب في تصدري التريند، علشان بيدينا مساحتنا في الدور، وبيخلينا نرتجل في المشهد، وأنا عرضت عليه أقول الجملة دي في المشهد، ووافق وقالي يلا بينا.

وتابعت: الحقيقة مكنتش متخيله أنها تثير الجدل بالشكل ده، لأن أنا وصحابي في المدرسة دائما بنقولها، بس للأسف لاقيتها زعلت جيل التسعينات كله، وأنا بعتذرلهم جدا ياريت محدش يزعل مني.

وأكدت جيسيكا: ردود فعل الناس في الشارع على المشهد خوفتني جدا، في ناس وقفتني في نص الشارع تتخانق معايا وتقولي إزاي تقولي على جيلنا كده وتكبرينا، فمكنتش عارفة أفرح بنجاحي ولا أزعل علشان ضايقت الناس مني.

مسلسل كامل العدد، بطولة الفنانة دينا الشربيني، شريف سلامة، إسعاد يونس، ميمي جمال، جيهان الشماشرجي، آية سماحة، ومن إخراج خالد الحلفاوي.